Кривична пријава за велешанец осомничен за компјутерска измама

Кривична пријава за компјутерска измама ќе биде поднесена против 35-годишниот Т.А. од Велес, кај кој при претрес е најдена опрема користена за нелегални активности.

Поради основани сомневања дека сторил кривично дело компјутерска измама, Секторот за компјутерски криминал и дигитална форензика при МВР денеска извршил претреси на објекти во кои престојувал Т.А – на ул.„23 Октомври“ во Скопје и на ул.„Орце Мартинов“ во Велес.

-При претресите се пронајдени предмети што потекнуваат и се поврзани со кривичното дело, и тоа два GSM gateway-уреда, еден уред за поврзување на опремата, еден simbox-уред, 38 СИМ-картички и еден мобилен телефон од кој е вршена активација на картичките. Против Т.А. ќе биде поднесена кривична пријава до надлежното обвинителство поради основано сомнение за сторено кривично дело компјутерска измама, соопшти МВР.

Секторот за компјутерски криминал и дигитална форензика презема дополнителни активности со цел да се утврди дали пронајдената опрема и СИМ-картичките биле користени и за други нелегални активности.

Би можело да ве интересира

Еден месец зјае дупката во која загинаа двајца браќа во Чаир, Обвинителството сѐ уште прибира докази

Маја Илиевска-Пачемска

Поранешен градоначалник на Велес обвинет за злоупотреба на службената положба

Ана Ололовска

Во наредната учебна година 40 првачиња помалку во Велес

Ана Ололовска

Поднесено обвинение за обид за убиство во гостилница во Хиподром

Татјана Ташкова

Велешката полиција казнува возачи кои непрописно претекнуваат

Ана Ололовска

На дивите депонии во Велес во април собрани 160 метри кубни отпад

Ана Ололовска