Кривична пријава за скопјанец осомничен за производство и дистрибуција на детска порнографија

Од:

Секторот за компјутерски криминал и дигитална форензика при МВР до OЈО Скопје поднесе кривична пријава против И.П. (36) од Скопје поради постоење на основано сомнение дека сторил кривично дело „производство и дистрибуција на детска порнографија“.

Пријавениот, според документираните сознанија од истрагата, соопшти денеска МВР, преку неговиот компјутер прибавил детска порнографија во форма на фотографии и видео запис, при што ја зачувал на локалниот диск на компјутерот, со што сторил кривично дело „производство и дистрибуција на детска порнографија“.

Имено, Секторот за компјутерски криминал и дигитална форензика постапувајќи по своите надлежности кои се однесуваат на истраги за сексуална злоупотреба на деца преку интернет, користејќи официјален пристап до базата на сервисот (Child Online Protection Service) – ICACCOPS (Internet Crimes Against Children Child Online Protection Service), вршејќи редовно набљудување на базата и нејзините корисници регистрира сомнителна активност од корисници со македонски ИП адреси.

– Со оглед дека користената база дава можност за преглед на содржината на електронските материјали (слики, видео и сл.) кои се разменуваат од страна на корисниците во истата, беше направена проверка на фајловите кои се прегледувани од страна на корисниците со споменатите македонски ИП адреси.Притоа констатирано е дека од страна на корисник преземен е електронски материјал (фајл), како и други фотографии кои претставуваат компромитирачки материјал каде е прикажана сексуална злоупотреба на малолетно лице, се појаснува во соопштението.

Со наредба издадена од Јавен Обвинител при ОЈО – Скопје, побарано е од интернет провајдерот доставување на комплетни податоци за корисникот на ИП адресата и по претходно обезбедена судска наредба за претрес на дом издадена од судија на претходна постапка извршен е претрес на дом и други простории кај сега веќе пријавениот. При претресот е пронајдена компјутерската опрема за која постојат основи на сомнение дека преку истата е извршено кривично дело, а се запленети и огромен број на слики и видеа во склоп на компјутерската опрема.

Би можело да ве интересира

Пет закони ќе се менуваат за да профункционира „Безбеден град“

Уапсен Бугарин за измамите со лажни сообраќајки

Се трага по старица од Чашка чија куќата изгоре во пожар пред неколку дена

Тројца полицајци повредени во сообраќајка кај Струга

А1он

Проверките покажуваат дека станува збор за лажни пријави за бомби во училиштата, соопшти МВР

Катерина Ѓуровски

Извршени претреси во Одделот за општи и заеднички работи во МВР, одземени се мобилни телефони и обемна документација