Скопјанец доби кривична пријава бидејќи бил затекнат како неовластено тргува со отпад без да поседува „дозвола за вршење на дејност – складирање и третман на отпад”, информираат од Министерството за внатрешни работи.
„СВР Скопје – Единица за економски и компјутерски криминал поднесе кривична пријава против М.Б.(31) од Скопје, поради постоење основи на сомнение за сторено кривично дело „загрозување на животната средина и природата со отпад”, казниво по член 230 став 3 од Кривичниот законик.
На 14.02.2022 на ул.„Методија Андонов Ченто“ во Скопје, полициски службеници од Единицата за економски и компјутерски криминал во содејство со инспектори од Државниот пазарен инспекторат и Државниот инспекторат за животна средина извршиле контрола на импровизирано и нерегистрирано место за откуп и продажба на секундарни суровини, при што го затекнале пријавениот како неовластено тргува со отпад без да поседува „дозвола за вршење на дејност – складирање и третман на отпад’“, велат од МВР.