СВР-Струмица поднесе кривична пријава против А.М. (21) од село Калуѓерица, радовишко, поради постоење на сомнение за сторени три кривични дела обид за силување.
Според документираните сознанија од истрагата, сторителот во периодот од февруари годинава до крајот на овој месец, на подрачјето на Струмица, во периодот од 19 до 23 часот, извршил повеќе кривични дела на начин што им приоѓал од позади на женски лица и потоа со едната рака ги фаќал за уста, а со другата ги фаќал за гениталиите и градите, а по брзата реакција и барање помош од нападнатите веднаш се давал во бегство.
На 26-ти овој месец, на улица Мито Хаџи Василев – Јасмин во Струмица, во моментот на извршување на кривичното дело А.М. е фатен на лице место од страна на полицаец, по што веднаш е лишен од слобода и приведен во СВР-Струмица.
На предлог на Јавниот обвинител од Струмица од страна на судија на претходна постапка на пријавениот му е одредена мерка притвор во траење од 30 дена.
