Полицијата до Основното јавно обвинителство Струмица поднело кривична пријава против А.Ј.(30) од Радовиш поради сомнение за сторено кривично дело „убиство во обид“ и Д.С.(31) од Радовиш поради сомнение за сторено кривично дело „соизвршителство“, а во врска со кривично дело „убиство во обид“.
МВР денеска соопшти дека на 31.7.2024 околу 1.30 часот на тротоар на раскрсницата помеѓу улиците „22-ри Октомври“ и „Партизанска“ во Радовиш, при физичка пресметка помеѓу повеќе лица А.Ј. со остар предмет му нанел убодна рана на Ѓ.А. од Радовиш, а истовремено Д.С. активирал солзавец кон Ј.Т. од Радовиш.
Лицата биле уапсени и задржани во Полициската станица Радовиш, а за настанот бил запознаен јавен обвинител од Основното јавно обвинителство Струмица.
Во текот на вчерашниот ден лицата биле изведени пред Судија на претходна постапка од Основен суд Струмица.