Полицијата го уапси Жељко Вујовиќ, кој се сомничи за обид за убиство за време на коњски трки во селото Бијељани кај Билеќе (БиХ).
Заедно со Вујовиќ е уапсен и Мирко Самарџиќ, кој, според полицијата, побегна со него по инцидентот.
По завршувањето на криминалистичката истрага, двајцата ќе бидат предадени во надлежност на Окружното јавно обвинителство во Требиње за понатамошно постапување.
Вујовиќ се сомничи за кривично дело тежок обид за убиство по инцидентот на коњските трки во Бијељани, кога беа повредени три лица.
Полицијата претходно ги уапси Г.Ч. и М.И. поради сомневање дека му помогнале на Вујовиќ по извршувањето на кривичното дело.
Вчера на социјалните мрежи се појави и видео од инцидентот. На него се гледа како возило, со кое наводно управувал Вујовиќ, влета во група луѓе и ги удри, по што продолжи да се движи со голема брзина низ ливадата.