Кривична пријава за две лица за злоупотреби на платежни картички

Од:

СВР Скопје– Единица за економски и компјутерски криминал поднесе кривична пријава против 23-годишниот А.Ѓ. и 25-годишниот А.Ѓ., двајцата од село Рашче, скопско, поради постоење основи на сомнение за сторени кривични дела „оштетување и неовластено навлегување во компјутерски систем” по член 251 и „изработка и употреба на лажна платежна картичка” по член 274 Б од Кривичниот законик, информира МВР.

– Првопријавениот, во периодот од септември до декември 2021, додека бил вработен во правно лице во Скопје на работно место продавач, искористувајќи поволна прилика, со својот мобилен телефон ги фотографирал идентификационите податоци од платежните картички заедно со пин кодот од картичките на купувачите, кои му ги давале за плаќање на купената стока, соопшти МВР.

На тој начин успеал да собере податоци на 17 граѓани и потоа, заедно со второпријавениот ги искористиле во неколку наврати за плаќање на комунални сметки и нарачки на производи. По преземени мерки, било утврдено дека пријавените се сторители на делата. Со судска наредба биле извршени претреси во нивните домови во с.Рашче и биле пронајдени докази за извршување на кривичните дела, велат од МВР.

Би можело да ве интересира

МВР: Се истепале вработени во здравствена установа во Скопје

Кривична за родители кои им овозможиле на нивните малолетни деца да живеат вонбрачно

Си оградил државно земјиште на Бит Пазар и си наплаќал паркинг – доби кривична

Кривична за тројца полицајци – дозволиле да застари дисциплинската против колега осомничен за кражба на културно наследство

Уште се чека за пасош со месеци, постапката забрзана ама само за оние што имаат да платат 100 евра

Кривична за поранешен градоначалник на Свети Николе