Дебарското одделение за внатрешни работи до надлежното јавно обвинителство поднесе кривична пријава против М.К.(34) од Дебар, поради постоење основи на сомнение за сторено казнено дело „загрозување на сигурноста“.
– М.К. на социјалните мрежи „Фејсбук“ и „Инстаграм“, креирал лажен профил од кои, во повеќе наврати на О.Р. од Дебар му испраќал закани по неговиот живот и видеозаписи со недолична содржина, изјави Стефан Димоски портпарол на Секторот за внатрешни работи од Охрид.
Информираше и околу почитувањето на мерката за носење заштитна маска, како и забраната за движење.
– Во изминатото деноноќие полициските службеници во ова подрачје не констатирале непочитување на мерката за носење заштитна маска. Во изминатите денови од овој месец констатирани се 72 прекршока и на овие лица им се издадени прекршочни платни налози, рече Димоски.
Според него нема прекршување и на мерката за прекршувања на забраната за движење од 22:00 до 5:00 часот со цел спречување на ширењето на вирусот Ковид 19.
– Од воведувањето на полицискиот час на подрачјето на двете општини, Дебар и Центар Жупа, кои со својата активност ги покрива дебарското одделение за внатрешни работи, регистрирани се само четири прекршувања, посочи Димоски.