Кривична пријава против Миленко Неделковски за коментари со кои ја загрозил сигурноста на Заев

Од:

Од министерството за внатрешни работи соопштија дека ќе поднесат кривична пријава против Миленко Неделковски поради коментар на социјалната мрежа Фејсбук, со која ја загрозил сигурноста на премиерот Заев.

„Секторот за компјутерски криминал и дигитална форензика при Министерството за внатрешни работи до надлежното јавно обвинителство ќе поднесе кривична пријава против М.Н. (61) од Скопје, поради објава на коментар на социјалната мрежа Фејсбук со која се предизвикува загрозување на сигурноста на Претседателот на Владата на Република Македонија, односно поради постоење на основано сомнение за сторено кривично дело по чл.144 „Загрозување на сигурност“ и по чл.394-г „Ширење на расистички и ксенофобичен материјал по пат на компјутерски систем“ од Кривичниот законик на Република Македонија.

Секторот за компјутерски криминал и дигитална форензика при Министерството за внатрешни работи во соработка со СВР Велес, му достави покана за службен разговор на лицето М.Н. (61) од Скопје, а по издадена наредба од Основен Суд Скопје 1 Скопје, на 22.10.2018 година извршен е претрес на дом и други простории кај лицето М.Н. при што се пронајдени и одземени предмети во интерес на истрагата.
Секторот за компјутерски криминал и дигитална форензика и понатаму ќе продолжи со активностите со цел санкционирање на ваквите случаи. Ги повикуваме сите граѓани кои се изложени на вакви закани или сведочат вакви закани, истите да ги пријават во најблиската полициска станица или на адресата [email protected]“ се вели во соопштението на МВР.

Претходно денеска, Неделковски на неговиот профил на „Фејсбук“ објави дека на врата му дошла полицијата за да го уапси без да му биде кажано за што станува збор. Јавноста статусот на Неделковски го поврза со неговиот коментар за пожарите во Грција, за што против новинарот неделава беше покренато обвинение од страна на Обвинителството.

Би можело да ве интересира

Заев од Тирана: Културно-информативниот центар ќе придонесе за популаризација на уметноста на нашата земја во Албанија

А1он

Заев: Oдлуката за оставките ќе ја базирам врз фактите од истрагата, а не врз основа на политички пресметки

Мери Јордановска

ВМРО-ДПМНЕ: Оставката на Венко Филипче не е доволна, потребна е оставка од Заев

А1он

Заев: Должност ни е да ја прифатиме независноста со сета почит кон генерацијата што го зачува континуитетот на државноста

А1он

Заев: Не знам зошто Кичеец патувал за Скопје, но тој има право да се лекува

Мери Јордановска

Заев: Северна Македонија е првата земја во регионот што ја разви „Гаранцијата за млади“

А1он