СВР Тетово поднесе кривична пријава против градоначалникот на Боговиње, тетовско, Албон Џемаили за „несовесно работење во службата“ и против фирма од Боговиње за сторено кривично дело „бесправно градење“.
Според полицијата, градоначалникот во текот на минатиот месец спротивно на законот, овозможил почеток на изградба на водовод за потребите на граѓаните на с.Синичане, тетовско, без да обезбеди потребна документација и одобрение за отпочнување на градба.
Притоа во име на општината, преку Јавното комунално претпријатие, Џ.A. дал насоки да се ангажира фирмата од Боговиње, чиј сопственик M.A., според СВР Тетово, иако знаел дека за изградбата на водоводот не постои одобрение, го прифатил ангажманот и започнал со градежни активности.