Кривична пријава против едно лице за предизвикување шумски пожар

Од:

СВР Струмица до Основното јавно обвинителство Струмица поднесе кривична пријава против Ж.Н.(36) од селото Горни Липовиќ, поради постоење основано сомнение дека пријавениот ги сторил кривичните дела „предизвикување општа опасност“ и „предизвикување шумски пожар“.

Пријавениот по приведувањето потврдил дека ги предизвикал пожарите, притоа наведувајќи дека се лекувал во Душевната болница Негорци.

Како што информира МВР, вчера во 11:30 часот во СВР Струмица жител од селото Едрениково пријавил дека околу 10 часот избувнал пожар на сува трева од околу 1 метар квадратен, непосредно до оградата на дворот на индивидуална куќа која се наоѓала на почетокот на Едрениково. Веднаш по забележување на пожарот тој бил локализиран, а во тој момент бил забележан пријавениот Ж.Н. како со себе носи две запалки и се упатува кон селото Градошорци.

Известена е Полициската станица од општа надлежност – Струмица, по што на местото дошле полициски службеници кои го привеле лицето. Од страна на СВР Струмица формирана е увидна екипа и заедно со службено лице од Дирекцијата за заштита и спасување извршени се увиди на веќе локализираните пожари.

Пожарoт во кој е изгорена нискостеблеста шума на површина од околу еден декар во месноста викана „Бресто“, во атарот на село Едрениково, бил предзивикан од пријавениот со палење на ѓубриштето што се наоѓало од левата страна на патот од Едрениково кон селотоТрибичино.

Локализиран е пожарот во месноста викана „Мирковец“, во кој е изгорена нискостеблеста шума на површина од околу 15-20 хектари, како и 80 стебла од лозје, старо околу 25 години и околу 70 стебла на вишни стари, околу пет години.

Пожарот во месноста викана „Ченена скала“ во атарот на село Трибичино кон село Варварица, од страна на ТППЕ вчера не е локализиран поради непристапниот терен и од страна на Дирекцијата за заштита и спасување – Струмица известен е Центарот за управување со кризи заради преземање мерки за негово локализирање.

Би можело да ве интересира

Пекевски: Месното население и компаниите да се вклучат во гаснење на пожарот на планината Готен

Продолжува „војната“ со пожарите, 10 се активни, три пожари се под контрола

Три лица се повредени во пожар во Албанија, над 2.000 се евакуирани

Две затворски казни од пет години и парична од 300.000 денари за фирма за предизвикан пожар над велешко езеро „Младост“ во август 2019

Изгаснат е пожарот на депонијата „Краста“ во Куманово

МВР: Уапсени се две лица, одземено е товарно возило, запленета е стоката