Кралев: Новите објекти во студентскиот „Стив Наумов“ ќе бидат завршени до почетокот на следната година

Од:

Министерот за образование и наука Панче Кралев денеска ги посети објектите во изградба во студенскиот дом „Стив Наумов“.

Објектите се на место на дотраените бараки и предвидено е да сместат 204 студенти. Станува збор за инвестиција од скоро 70 милиони денари, средства обезбедени од МОН со цел, како што рече Кралев, подобрување на студентскиот стандард во Република Македонија.

– Согласно интензивното темпо на изградба ќе бидат завршени до почетокот на следната година и по опремувањето ќе бидат ставени во употреба, истакна Кралев.

– Нашите предвидувања се дека ќе поченеме со реконструкција на блокот „Б“ од овој Студентски дом и тоа ќе може да го направиме кон средината на следната година. Во наредните три месеци ќе се изготвува проектната документација, а потоа ќе се пристапи кон тендер за реконструкција и очекуваме градежните активности да бидат за време на летните распусти, рече Кралев, нагласувајќи дека Министерството ќе продолжи со инвестиции во студентскиот стандард и подобрување на студентските домови во Република Македонија.

Во врска со заштитата на новите објекти министерот најави дека ќе се изготват правилници и правила за одржување и задолжување на собите по лица со што ќе се врши детална проверка при влез и напуштање на собите на овие лица.

– Голем дел од одогворноста припаѓа на студентните бидејќи тие се денес студенти, утре не се, но доаѓаат нови генерации и мораме да бидеме свесни дека колективната одгворност и чување на овие објекти ќе овозможи што поголем број генерации да имаат подобри услови за учење, рече Кралев, посочувајќи дека санкциите се секогаш дел од некои правила за спречување штета.

Би можело да ве интересира

Од денеска аплицирање за субвенциониран студентски оброк за студентите кои досега не го оствариле ова право

Средношколците и студентите со своите барања пред МОН – полесна државна матура и подобар студентски стандард

Ана Ололовска

МОН префрли пари, но студентите не се откажуваат од протестот: „Не може пари за оброк да добиваме на крајот од месецот“

Орце Костов

Средношколците ги повикаа студентите на заеднички протест

Катерина Павлова-Николовска

Темелковски: Не се откажуваме од ветените 140 денари за студентски оброк

Ана Ололовска

Студентите ги добија средствата за субвенциониран студентски оброк

Ана Ололовска