Полицајци од СВР Тетово попладнево во селото Ратае нашле и привеле жител на скопско Коњаре, кој се барал за издржување на затворска казна.
Осуденикот бил најден околу 17 часот, соопшти полицијата.
„Полициски службеници на Секторот за меѓународна полициска соработка – Оддел за потраги на МВР, во содејство со СВР Тетово, го привеле 41-годишниот С.М. од скопско Коњаре, осуден на седум и полгодишна затворска казна за сторени кривични дела „тешка кражба”, согласно член 236 од Кривичниот законик,“ информира Марјан Јосифоски, портпарол на СВР Тетово.
По приведувањето, реализирано со судска наредба, 41-годишникот е спроведен во КПУ „Идризово” во Скопје за издржување на казната, додаде тој.
