На седницата на Владата денеска нема да се разгледуваат уставните амандмани, рече премиерот Димитар Ковачевски.
– Денес на седницата на Владата нема да се разгледуваат уставните амандмани. Се уште се кај владините служби, кога ќе дојдат, ќе ве известиме, но денес нема да се разгледуваат – истакна премиерот.
Вчера министерот за правда, Кренар Лога пред медиумите истакна дека на следната седница ќе стигнат уставните амандмани, кои по разгледувањето на седница на Владата треба да бидат испратени во Собранието на разгледување во комисија.