Ковачевски: Не размислувам за оставка, мандатот не ми е поврзан со уставните измени

Од:

Императив е исполнување на обврските од преговарачката рамка, односно поднесување на амандмани кои ќе го продолжат европскиот пат, но нема да поднесе оставка ако не се спроведат уставните измени до ноември, одговори премиерот Димитар Ковачевски после лидерската средба во владината коалиција.

– Не размислувам за оставка. Одлуката за уставни измени е на двотретинско мнозинство. Ние овде разговаравме што значи членство во ЕУ. Порано не можеше да се замисли наши граѓани да работат во Полска, Хрватска, Чешка. Имаме аргументи за ЕУ и тоа е процес кој не може да биде заложник за дневно политичка потреба. Затоа мандатот на Владата не е поврзан со гласањето на уставните измени.

Оваа Влада ќе покаже дека ќе имаме парламентарно мнозинство и јас се надевам дека опозицијата ќе се приклучи во европскиот блок – рече Ковачевски.

Партнерите во коалицијата договориле во рамки на комисијата за политички систем да се отвори работна група со учество на експерти, не само домашни, туку и од ЕУ кои ќе помогнат да се најде издржано законско решение за реформи во судството.

Во однос на изборниот закон и предлозите за една изборна единица, во рамки на Собранието ќе се расрава за оваа тема каде што треба да се видат сите аспекти.

– СДСМ поддржува една изборна единица, но во парламентот ќе се расправа за модалитетите, дали треба да има изборен праг, дали не треба, застапеност на етнички заедници, родова застапеност…Договоривме оваа расправа да продолжи во Собранието – истакна премиерот.

Би можело да ве интересира

Премиерот на Романија поднесе оставка

А1он

Делегациите на оваа власт сѐ повеќе наликуваат на свадбени патувања со државна логистика, Левица реагира на владината посета на Јапонија

Владата работи домаќински и континуирано на привлекување странски инвестиции, велат од ВМРО-ДПМНЕ

ВМРО-ДПМНЕ: Се води одлучна борба против криминалот и корупцијата, се апсат лица кои до сега беа недопирливи

Левица: Наместо помош за настраданите во Кочани, Владата дала 23 милиони денари за да си го измери рејтингот

СДСМ: Владата предводена од ДПМНЕ, ЗНАМ и ВЛЕН е најнеспособната и најхаотичната што Македонија ја имала