Тројца патници кои се возеле во скопски градски автобус вчера нападнале двајца контролори кои влегле за да проверат за билети во возилото на ЈСП, а инцидентот се случил во близина на Бит-пазар, соопшти полицијата.
„На 23.06.2021 во 10.30 часот во СВР Скопје било пријавено дека на подрачјето на Бит Пазар, во автобус на ЈСП, додека Ф.Б.(37) и неговиот колега Х.М.(35), двајцата од Скопје, вршеле контрола на возните билети, биле физички нападнати од три лица, при што бил употребен и тврд предмет“, се вели во соопштението.
Од МВР додаваат дека се работи на расчистување на случајот.