Конференција насловена „Општини без отпад” ќе се одржи денеска во Штип во организација на Граѓанското здружение „Зелен Институт“ од Скопје, Демократската обнова на Македонија и „Биро де Хелинг“ од Холандија.
На еднодневниот форум предвидени се два панела со учество на претставници од општините од Министерството за животна средина и просторно планирање и експерти од областа.
На првиот панел со наслов „Предизвици за справување со отпадот во општините“ воведни обраќања на конференцијата ќе имаат Благој Бочварски, градоначалник на Општина Штип, Лилјана Поповска пратеничка и претседателка на ДОМ и Наташа Амдију претседателка на „Зелен институт”.
„Како до општини без отпад?“ е насловот на вториот панел, кој ќе се одвива во четири групи, а една од нив ќе дебатира за избор на локација за регионална санитарна депонија.
