Изјавата на премиерот Зоран Заев во Собранието на РМ на седницата за уставните измени каде повика на помирување за случајот 27 април, многумина ја сфатија како повик за амнестија на обвинетите со цел изгласување на промените во Уставот со цел промена на уставното име на Република Македонија.
По оваа изјава се изјасни и Твитер заедницата каде на социјалната мрежа следуваа бројни коментари дека ова е всушност отворање на портите за амнестирање на обвинетите пратеници за немилиот настан кој се случи на 27 април минатата година кога толпа граѓани насилно влезе во Собранието каде физички беа нападнати дел од пратениците.
„Последното танго на Заев“, „кој е Заев да дава амнестија за 27 април?“ се само дел од пораките кои твитерџиите ги споделија по повод изјавата на премиерот од собраниската говорница.
Виктор Јованов