Кочанчанец удрил девојка со пиштол и дивеел во кафеана – уапсен е

Од:

38-годишен кочанчанец е уапсен, а во неговиот дом е извршен и претрес при што е најден пиштол и муниција. Насилникот е уапсен откако претходно дивеел во кафеана во Кочани, а и удрил женско лице со пиштол.

„ На 9.5.2024 во 14 часот во Кочани, полициски службеници од ОВР Кочани го лишиле од слобода О.Ц.(38) од Кочани. Тој се сомничи дека околу 12.30 часот во угостителски објект во Кочани се однесувал агресивно и со пиштол удрил едно женско лице.“ велат до МВР.

По апсењето полицијата извршила и претрес во неговиот дом и неговото возило „ауди“. Претресот е извршен со судска наредба, а биле пронајдени и одземени пиштол калибар 7,65 мм, 25 куршуми калибар 7,65 мм и лисици за врзување.

Лицето било задржано во полициска станица и по целосно документирање на случајот против него ќе биде поднесена соодветна пријава.

Би можело да ве интересира

Седми „Марш за ангелите“ во Кочани: Нашиот молк зборува повеќе од илјада зборови, но нема да трае вечно како вашето судење

Посебен режим на сообраќај во недела од Средно Водно до манастирот Св.Пантелејмон

Кривични пријави против лица од Пробиштип и Свети Николе за кражби од цркви

ВМРО-ДПМНЕ прашува зошто Венко Филипче е изземен од случајот „Онкологија“

Големо апсење во Хрватска

Утре ќе биде изменет сообраќајниот режим на експресниот пат Штип – Кочани