ВИДЕО: Коалиционите партнери на СДСМ согласни државата да продолжи по европскиот пат

Од:

Коалиционите партнери на СДСМ се согласни дека мора да продолжи европеизацијата на државата и покрај негативниот исход од Брисел. На вечерашниот состанок на премиерот и лидер на СДСМ во партиското седиште со коалициските партнери, тие ја поддржаа одлуката на 12 април да се одржат предвремените парламентарни избори.

Заев по состанокот изјави дека верува оти ќе добие чист мандат и изрази оптимизам дека има доволно време во претстојниот период да се реализираат поголем дел од веќе најавените мерки.

– Програмата ќе биде создадена во овој период, а за реализацијата на она што досега не е реализирано, има доволен период да биде реализирано во претстојните безмалку шест месеци до изборите. Вака фокусирани продолжуваме да им служиме на граѓаните. Ние сме лидерите на граѓаните кои ја димензионираат иднината на Република Северна Македонија на вистинскиот пат по којшто не препозна ЕУ и САД и целиот демократски свет, патот кој докажавме дека е возможно да се пронајде по овие 28 години независност. Веруваме дека граѓаните ќе останат цврсто на таа определба давајќи поддршка на еден чист мандат со кој ќе ги продолжиме тие политики, рече Заев.

Тој додаде дека СДСМ предложил изборите да се одржат во декември, но оти против ваквиот предлог била ВМРО-ДПМНЕ со образложение дека ќе нема 100 дена техничка влада. Заев е задоволен што датумот е одреден со консензус и се надева дека исто така ќе се најде консензус и за Законот за јхавното обвинителство.

– ВМРО-ДПМНЕ ги извади прво аргументите дека не сакаат до крајот на оваа година и веќе почнаа да се разгледуваат датумите. Јануари и февруари се ризични државата да ја оставиме без Парламент. Тогаш почнаа да се разгледуваат варијантите и го избравме 12 април. Мене ми е драго што со коалициските партнери стоиме сите заедно. Тоа нека биде порака дека сме повеќе зрели и знаеме да се договориме кога треба да се договориме за да тоа и помогне на нашата земја, нагласи Заев.

Одговарајќи на новинарски прашања, Заев рече дека неговата партија според анкетите води пред ВМРО-ДПМНЕ со три проценти поенти и оти кон крајот на октомври или ноемрви ќе направат уште едно истражување на јавното мислење.

Лидерот на НСДП, Тито Петковски по состанокот изјави дека во овој момент треба да се направи синергија и да се мотивираат што повеќе интелектуалци, граѓански организации и политички партии за да се направат избори кои ќе бидат одраз на вистинското расположение на граѓаните.

Би можело да ве интересира

Талевски: ДПМНЕ и Тошковски ја загрозуваат безбедноста на граѓаните

Катерина Ѓуровски

Формирана „Коалиција за европска иднина“

Предраг Петровиќ

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

СДСМ: Безбедни ученици, бесплатен топол оброк во средно и основно

Горан Наумовски

СДСМ: Платформа од минатиот век се нови лажни ветувања на ДПМНЕ по пример на Скопје

(ВИДЕО) СДСМ и Движењето Нова Република потпишаа меморандум за соработка во пресрет на изборите