Oсновано е движењето ПУИКА или на македонски „Клин“. И покрај силниот притисок од владеачките партии, особено од ДУИ, како што велат основачите и членовите, успешен е исходот од двете средби на иницијаторите за формирање на неформална граѓанска коалиција за помош на општествените процеси, културната и политичката ситуација во Македонија.
Членови на движењето, основано во Скопје се Азам Даути , Едмонд Адеми, Екрем Долек , Фадил Кури, Илир Ајдини, Рамадан Рамадани и други.
Ова движење, велат не е политичка партија , не се поврзани со ниту една политичка партија но не се поврзани ниту со партии кои се во најава за основање.
„Клин не e ни аполитичка организација, што значи дека ќе има свои позиции и ставови за различни политички прашања, социо-економски и културни. Позиции, што во догледно време ќе биде претставени на јавноста“, стои во официјалното соопштение.
Движењето има граѓанската платформа, тврди дека е фактор за општествено и политичко влијание, проактивен учесник во општеството и ќе придонесува за натамошна демократизација на Македонија.