Генералниот секретар на СДСМ Александар Кирацовски, денеска, со младите, на летниот камп на СДММ во Охрид разговараше за актуелни теми и за иднината на Македонија.
Во своето обраќање, Кирацовски истакна дека СДСМ како одговорна партија е цврсто посветена на креирање квалитетни младински политики коишто имаат за цел да обезбедат подобра сегашност и подобра иднина за младите.
– Младите се нашата иднина. Затоа, обезбедувањето на иднината е исполнување на клучните заложби на која било политичка опција. СДСМ ја обезбедува македонската иднина, иднината на младите. Зајакнат и обезбеден е македонскиот идентитет и членството во ЕУ и НАТО. Интеграцијата во ЕУ и НАТО обезбедува отворање на нови развојни линии, нови финдови, нови сериозни странски инвестиции, поголема економска поврзаност со светот. Сето тоа обезбедува повеќе можности за младите и повеќе пари кај сите граѓани, посочи Кирацовски.
Генералниот секретар Кирацовски се заблагодари на поддршката од младите и порача да ја искористат историската шанса, и на референдум, слободно и демократски да кажат ДА за македонската иднина.
Охрабрен сум од силната поддршка на младите за интегративните и прогресивни процеси. Сплотени, заедно, со другарство и пријателство, одиме напред, Македонија оди напред, рече Кирацовски.