Демократската партија на Турците е задоволна од сработеното и постигнувањата. Кенан Хасипи е реизбран за претседател.
„Овој конгрес го одржуваме во време на најголем подем на ДПТМ со голем број носители на јавни функции како никогаш досега – министер, пратеник, државни секретари, директори и членови на управни и надзорни одбори на јавни пртпријатија, еден гардоначалник, 28 советници, судии во сите нивоа на судската власт, советници во Кабинетот на Претседателот и премиерот на Македонија, државни советници, директори на културни и образовни институции. Остануваме на заложбите за модерна, просперитетна и богата Македонија за што сонува секој пристоен и нормален граѓанин на оваа земја. Ќе ја продолжиме и интезивната сорабтка со Република Турција во интерес на заштитата и натамошното унапредување на етничкиот идентитет на Турците на овие простори како и зачувување и негување на богатото културно наследство од османскиот период зошто тоа е и непроценливо богатство и на Македонија“, рече Хасипи пред присутнити во Тетово.
На конгресот на ДПТМ, која е дел од владината коалиција, дојдоа министерот за надворешни работи на Македонија Никола Попоски, Силвана Бонева , Андреј Петров , Талат Џафери од ДУИ, Руфи Османи и други гости.