Професорот Јове Кекеновски јавно преку социјалните мрежи ја искоментира изјавата на како што тој го нарекува безгласниот технички премиер каде Димитриев вели дека е логично Владата да ја составуваат македонската и албанската партија кои освоиле најмногу гласови на изборите и дека ВМРО-ДПМНЕ се спремни да продадат се само за да си ја спасат сопствената кожа.
ЛОГИЧНО Е ДА ИМААТ ЃОН ОБРАЗ.
ЕМИЛ ДИМИТРИЕВ – безгласен технички премиер, пратеник и генерален секретар на ДПМНЕ – ,, Логично било победник со победник да ја составува новата влада”
.
ОДГОВОР и ПРАШАЊЕ – Логично беше конечно јавно да покажете дека целата партиска врхушка имате ѓон образ. Сега ти текна така перфидно да се повикуваш на Мајскиот договор од 2008 година кој твојот лидер во најголема тајност го потпиша со Ахмети. Досега збор не зуцнавте дека истиот постои и го криевте како најголема тајна.
Да ја потсетам јавноста дека според документите објавени на Викиликс, Груевски побарал од Ахмети да му помогне да остане на премиер, а за возврат да предложи Закон со кој борците на ОНА би добивале социјални пакети, како и Закон за употреба на албанскиот јазик како официјален јазик
.
Што сте спреми сега да продадете од националното само да опстанете на власт? Зарем остана уште нешто непродадено што би ви помогнало да си ја спасите кожичката?. Ајде да ве видиме квази патриоти до каде можете да одите со разнебитување на државава!?
Го споменувате цело време Ќосето нели…?, напиша Кекеновски на својот Фејсбук статус.