Државната изборна комисија на денешната седница без жрепка утврди дека ВМРО-ДПМНЕ на избирачкото ливче ќе биде под редниот број еден.
На листата нема други партии, со оглед дека СДПМ ги повлече кандидатските листи, а партијата на Јанко Бачев е отстранета од изборите зашто не беа поправени нерегуларностите во законскиот рок на кои укажа ДИК.
Никола Груевски најави дека по одржување на изборите и формирањето на новото собрание во кое сите пратеници ќе се на коалицијата предводена од ВМРО-ДПМНЕ, ќе се одржеле нови избори.
Сепак, меѓународната заеедница и опозицијата предупредија дека таквиот собраниски состав нема да биде признаен, не е легитимен и нема да биде третиран како власт во ниедна смисла, односно во натамошните преговори.
