Кандидатот за градоначалник на Општина Ѓорче Петров, Александар Наумоски го посети населеното место Волково. При посетата оствари средба со жителите, кои се пожалија за проблемот со канализацијата и раскопаната улица.
Поради грешка во нацрт планот на општинските власти, како и лажните ветувањата на градоначалникот Сокол Митровски, нивната улица остана без канализациона мрежа и целосно раскопана. Заради ваквиот однос на Градоначалникот и општинските власти, на Наумоски отворено му дадоа поддршка за неговата кандидатура со апел нивниот проблем да биде решен што е можно поскоро.
Наумоски оствари средби и со многу други волковчани кои го користеа последното сонце да си ги средат дворовите. Случајните посети на кандидатот беа пријатно поздравени и изненадени што на ваков начин им се приоѓа. Дадоа поддршка на младоста и амибицијата да се смени нешто, особено да создадат услови во Волково да се искористи заобиколницата за да се отворат нови фабрики за нови вработувања.