Претседателот на Собранието, Талат Џафери по барање на координаторката на независната пратеничка група од ВМРО-ДПМНЕ, Елизабета Канческа-Милевска даде едночасовна пауза од расправата за одземање на пратеничкиот имунитет на осомничениот, Трајко Вељаноски.
Канческа побара едночасовна пауза бидејќи дури во 19 часот биле известени дека ќе се одржи денешната седница и немале време да ги разгледаат документите од мандатно-имунитетната комисија.
-После 19 часот добивавме информација дека ќе има седница. Немавме време да заземеме став по однос на оваа точка. Бараме 1 час пауза да ги разгледаме материјалите од Комисијата, рече Канческа-Милевска.
Собранието има рок до 12 часот на полноќ да изгласа дали ќе му го одземе пратеничкиот имунитет на Вељаноски. По завршувањето на паузата на пратениците им преостанува уште 30 минути до истекувањето на рокот за гласање. За збор се пријавија 29 пратеници од ВМРО-ДПМНЕ, до сега на говорницата излегоа само тројца.
Виктор Јованов