Фондацијата за одржлив економски развој ПРЕДА Плус и Здружението на студенти и младинци со хендикеп од Скопје почнуваат кампања на тема „Потреба од заедничко дејствување за подобар и квалитетен живот на лицата со посебни потреби”.
Оваа застапувачка кампања е дел од активностите на проектот “Градење на капацитети на организации за помош на лица со посебни потреби во Македонија”, финансиски поддржан со грант од Националната програма на Европската унија за помош при транзиција и институционална надградба 2011 Инструментот за претпристапна помош (ИПА) .
Оваа активност е дел од шест кампањи под слоганот ”За сечие добро”. Кампањите ќе бидат посветени на шест теми: Архитектосните бариери до јавните установи, Здравствена заштита на лица со посебни потреби, Со лична асистенција до полесно и подобро функционирање, Работни места за лицата со посебни потреби во Македонија, Да создадеме можности за сите да учиме под еднакви услови и Дневни центри на локално и национално ниво.