Камчев и Мијалков ги гледале доказите за „Империја“, предметот се поблиску до обвинение

Од:

Ексдиректорот на УБК, Сашо Мијалков и бизнисменот Орце Камчев прават увид во доказите со кои располага Обвинителството за случајот „Империја“, дознава „А1он“. Тие биле спроведени од затворот „Скопје“ во Шутка, каде ја издржуваат мерката притвор поради опасност од бегство. Ова доаѓа по три години откако се отвори предметот во СЈО, а се гонеа 13 лица меѓу кои беа и истакнатите бизнисмени. Предметот се ближи до завршница, давање на нивни искази и обвинение, бидејќи месецов беше завршено и финансиското вештачење кое обвинителката Лиле Стефанова го побара пред повеќе од година.

dobivaj vesti na viber

„Во текот на минатата недела е пристигнато вештачењето и истото е предмет на проучување и анализа од страна на предметниот обвинител. Во меѓувреме се преземаат и други процесни дејствија во насока на расветлување на случајот, се прибираат материјални докази и се повикуваат лица во својство на сведоци и осомничени“, велат од Обвинителството.

Увид во доказите побарале и другите осомничени, кои потоа, во доказна постапка, ќе треба да дадат и исказ пред обвинителката Стефанова. Кога ќе се донесе јавно-обвинителска одлука, засега нема информација од Обвинителството. Камчев и денеска требаше да биде спроведен во Обвинителството, но не се знае дали тоа било направено бидејќи истовремено во Кривичниот суд течеше судење за случајот „Плацево на Водно“.

Злосторничко здружение кое функционирало повеќе од 8 години, од 2009 година, кога биле отворани и затворани фирми, перени милиони и милиони евра, менувани сопственици, купуван огромен имот, отворани фирми на оф-шор дестинации за еднократна употреба, префрлувани пари преку кипарски банки, а потоа истите „испрани“ пари влегуваат како основачки влогови за да формираат македонски фирми. Вака накратко може да се опише случајот „Империја“.

Камчев, Мијалков и останатите се обвинети за злосторничко здружување, оштетување и повластување доверители, злоупотреба на слубената положба, измама и перење пари. Во истрагата за „Империја“, осомничени се уште: мајката и сестрата на Орце Камчев, Ратка Куноска Камчева, Христина Камчева Стојческа, Владислав Стајковиќ, ексдиректорот на компанијата „Финзи“ преку која одеше набавката на израелската опрема за прислушување, Дејан Јанев, Ванче Мијалчев, Јованче Тасковски и Лилјана Гајдовска.

Предметот сега се води во Обвинителството за гонење на организиран криминал и корупција.

Би можело да ве интересира

Апелација укина пресуда за Мијалков со која требаше да лежи 8 години во затвор и во буџетот да се вратат 860 илјади евра

Кристијан Ландов

Камчев е на слобода, двете години затвор намалени за четири месеци со спојување на казните

Кристијан Ландов

На Мијалков му одредија датум од кога ќе почне да преспива во струшкиот затвор

Кристијан Ландов

Денот кога Мијалков се согласил да оди три години во затвор, сменил живеалиште во Охрид, а затвор ќе лежи во Струга

Кристијан Ландов

Од 13 години затвор, се испазари за три: Државата зема имот од 30 милиони евра на Мијалков, а не знае како го стекнал

Кристијан Ландов

„Империја“: Мијалков се спогоди на три години затвор и да даде имот вреден над 20 милиони евра, сосе уделот во „Мериот“

Кристијан Ландов