Параноичниот Христијан Мицкоски сака да нè скара со целиот свет и со цела Европа. Тоа е истата реторика и истиот начин на однесување како неговиот ментор и претходник Никола Груевски вели пратеникот на СДСМ Дарко Каевски.
– Дејствувајќи против ЕУ и против НАТО антиевропскиот политичар Мицкоски сака да ја турне земјата во неизвесност и нова изолација од 11 години. Прво беше лагата за „бугаризација и асимилација“, па кога тоа се покажа дека е невистина почна да зборува за бугарски диктат. Кога стана јасно дека нема никаков бугарски диктат, сега, за сопствениот неуспех, на Мицкоски му се виновни Европа и светот. Мицкоски едноставно има капацитети да создава само непријатели па смета дека сите и така размислуваат. Затоа параноично зборува за светски заговори, рече Каевски на прес конференција.