Освен што не плаќала струја, Данела Арсовска со нејзините и семејните фирми ја оставила салата Расадник како руина, целосно запуштена. Фирмата на Данела Арсовска „Империјал Данела“ ДООЕЛ Скопје, понатаму „Империјал“ ДООЕЛ Скопје во 2002 година потпишала договор за закуп на спортската сала „Расадник“ рече Дарко Каевски од СДСМ покажувајќи договор со кој како што тврди Арсовска ја зела салата за закупнина од 1.000 евра месечно плуд ДДВ.
„Со членот 4 од договорот фирмата на Данела се обврзала да ја реновира кровната конструкција, да го смени паркетот на теренот, да ги реновира соблекувалните и да го уреди просторот околу салата. Овој договор има и Анекс со кој се надополнува членот четири каде се додаваат и хотел со 24 легла, пет терени за сквош, фитнес центар, отворен базен, помошни објекти и петнаесет бунгалови. Ништо од ова како што гледате не е направено. Данела не може да управува ниту со сала, а најмалку со град“ – вели Каевски.