Словенечкиот европратеник Јелко Кацин е убеден дека усвојувањето на предлог резолуцијата за Политиката и критериумите за проширување и стратегиските интереси на ЕУ, ќе се одрази позитивно на земјите од Западен Балкан.
„Она што според мене е посебно важно е дека кога ќе започнат преговорите, Европската комисија има право да отвора многу конкретни прашања и случаи. Мислам дека тоа е најдобар пат уште на самиот почеток, кога се отвораат најтешките поглавја, 23 и 24, да се воспостави некое сосема различно општествено расположение и очекување со што може брзо да се напредува во сите други поглавја. Тоа според мене е исклучително важно, посебно за државите од Западен Балкан, бидејќи тоа ќе им овозможи брз напредок, додека на јавноста ќе и дозволи да има многу разбирлив пристап на Европската комисија во корист на земјите кандидати кои преговараат и во корист на проширувањето на Европската унија“, вели Кацин за Дојче Веле.
„Македонија е дел од регионот и Македонија мора пред се да одговори на внатрешните дилеми. Ова што се случува сега, во овие денови, секако не е порака од Македонија, која би ја охрабрило Европската унија, а уште помалку Европската комисија, која е надлежна да укажува на проблемите, кои ги имаат поедини држави. Јас би се послужил овде со зборовите на комесарот Штефан Филе, што ги има кажано неодамна во врска со Србија, но тоа важи исто така за Македонија: „Нема да барам дозвола, да го критикувам она, што земјата ја оддалечува во други правци од евроинтеграцијата“, изјавил Кацин.
Не помина амандманот британскиот европарламентарец Ендрју Даф,, во кој тој бараше да се замени референцата „поранешна југословенска република Македонија“ со „Македонска држава“.