Екипите на јавното претпријатие „Паркови и зеленило“ вчера извршија активности на чистење и средување на јавните зелени површини во населбата Карпош 3, како и сечење на 11 суви дрвја од видот бор, во склоп на Акцијата за чистење на општина Карпош која се реализира од 12 до 16.02.2018 година.
Исечените борови до минатата година беа под надлежност на општина Карпош а од оваа година јавното претпријатие ги превзема за одржување.
Истите беа целосно суви и претставуваа опасност од кршење и паѓање и го огрубуваа просторот. Боровите беа заразени од болеста lophodermium pinastri, што како габно заболување предизвикува опаѓање на боровите иглички при што доаѓа до постепено сушење на дрвото.
Останати се уште неколку од заболените дрвја, кои не се целосно исушени и кои ќе ги третираме со соодветни фунгициди и ќе се обидеме да ги спасиме, соопштуваат од ЈП Паркови и зеленило.