Јавно обвинителство: Реакцијата е на Русковска е поради разочарувањето од одлуката

Од:

Јавното обвинителство на Република Северна Македонија во писменото соопштение вели дека ги следи реакциите по донесената одлука на Апелациониот суд Скопје за замена на мерката притвор со куќен притвор за Катица Јанева во случајот „Рекет“.

„Како единствен државен орган кој е надлежен за кривично гонење и се грижи за законитоста на кривичниот прогон, јавното обвинителство нагласува дека ги почитува судските одлуки и не се меша во работата на судската власт.

Реакцијата на надлежниот јавен обвинител во предметот треба да се разбере како израз на моментално разочарување, по сознанието за донесената одлука во предмет во кој по опсежна предистражна и истражна постапка и поднесено обвинение, очекува судска разрешница.

Јавното обвинителство во извршувањето на функцијата ја заштитува законитоста и се залага за почитување на основните слободи и права на човекот и граѓанинот, принципот на владеење на правото и во таа насока обвинителството ќе ја продолжи соработката со надлежните институции и судски органи“, се вели во соопштението на Јавното обвинителство.

Би можело да ве интересира

Нема притисоци во врска со предметите по кои постапуваме, велат од ОЈО

Шокиран сум од однесувањето на првиот човек на едно обвинителство кога слушнал за акцијата на МВР и БЈБ, вели Мицкоски

30 дена притвор за двајца полициски службеници

Само мерки на претпазливост за пијаниот возач кој тешко повреди пешак во Скопје

Обвинителство: Обезбедени се докази против јавен обвинител кој ја злоупотребил службената положба

Петрушевски: Коцевски нема никаква иницијативност, ниту желба да се подобрат работите во обвинителството