Димитар Ковачевски да не се крие и да каже дали Стевчо Јакимовски од него барал одземање на ингеренциите, за без пречка да може да си го бетонизираат Карпош? Ковачевски да каже дали со Јакимовски разговарале како да го заобиколат Советот, и спротивно на волјата на карпошани да овозможат градење на висококатниците кај „Алумина“ вели пратеникот на ВМРО-ДПМНЕ Тони Јаревски.
– Стевчо Јакимовски вчера ја одмолче средбата со Ковачевски. Очигледно коалицијата за бетонизација кај „Алумина“ работи под силна пареа. Поради бизнис интересот на власта, Карпош ќе се бетонизира и ќе се претвори во тесно грло, сообраќајот ќе се отежни и ќе се наруши квалитетот на живеење во оваа општина. Ниту на Ковачевски ниту на Јакимовски не им е гајле што од најзелената општина Карпош ја претвораат во бетонска џунгла. Апелираме и до Ковачевски и до Јакимовски да не си играат со волјата на карпошани и да не се обидуваат да го бетонизираат Карпош, рече Јаревски.