Еден ултразвук доплер, видео ЕЕГ и првиот транскранијален доплер во Македонија се обезбедени со помош на јапонска донација за Универзитетската клиника за неврологија. Проектот за опремување на Клиниката во износ од 73.269 евра е финансиски поддржан од Грант помошта за поддршка на мали проекти од Владата на Јапонија.
Амбасадорот на Јапонија, Макото Такетоши денеска ќе ја посети Клиниката за неврологија и ќе изврши увид на новата опрема во таа јавна здравствена установа.
Апаратите обезбедени со неповратна финансиска помош се очекува да ја подобрат медицинската услуга за 4.400 пациенти во првата година.