Во присуство на специјалната јавна обвинителка, Катица Јанева, почна седницата на Советот за јавни обвинители на која треба да се гласа за планот за работа на новото јавно обвинителство како и за предложените кандидати нејзини соработници.
Седницата е затворена за јавност затоа што така одлучија членовите на Советот кои едногласно изгласаа седницата да биде од затворен тип.
Поради тоа новинарите мораа да ја напуштат просторијата. На седницата е присутен и државниот јавен обвинител, Марко Зврлевски.
По завршувањето се очекува Јанева да даде изјава за медиумите.
