Изминуваат две години од мандатот на ДПМНЕ во Скопје, заедничка локална власт со градоначалничката за којашто бараа доверба од граѓаните. На половина од мандатот, ниту едно од ветувањата дадени пред скопјани не се реализирани вели координаторката на советничката група на СДСМ во Град Скопје Љубица Јанчева.
– На половина мандат, на Скопје му се случува нова катастрофа поради неспособната локална власт на ДПМНЕ. Најголемо ветување на изборите беше ветувањето за целосно бесплатен јавен градски превоз. По 2 години, бесплатен јавен градски превоз во Скопје ветен од ДПМНЕ нема. Не е реализирано ниту ветувањето за 250 нови автобуси. Не само што нема бесплатен превоз, туку градскиот сообраќај и јавниот транспорт се во постојан хаос, а ЈСП пред колапс. На приватните превозницо повторно, со месеци им се доцни исплатата. А за средношколците дотациите, за бесплатен јавен превоз се 100% исплатени. На повидок е ново стопирање на јавниот превоз. Наместо лажни изговори, ДПМНЕ и Арсовска треба да најдат решение за проблемите во ЈСП што тие ги создадоа. А директорот треба да понесе одговорност рече Јанчева на прес конференција.