Трансевропските транспортни мрежи се централна тема на неформалната средба на министрите за транспорт и врски во ЕУ, што се одржува денеска и утре во Милано, Италија.
На средбата, на која учествува и македонскиот министер за транспорт и врски Миле Јанакиески, ќе се дискутира за планирањето и управувањето на трансевропските коридори, политиките и инструментите за нивно финансирање, како и одржливоста, мобилноста и социјалната инклузија во градовите долж коридорите.
На средбата, освен министри за транспорт на земјите-членки на ЕУ, учествуваат и Сиим Калас, заменик-претседателот на Европската Комисија одговорен за транспорт, како и градоначалници на поголемите европски градови.
Домаќин на средбата е италијанскиот министер за транспорт и инфраструктура Маурицио Лупи.