Полицијата од Велес извести дека вчера од Итна медицинска помош е пријавено дека кај нив била донесена 25-годишна жена со повреди на телото и прострелна рана од огнено оружје нанесени од нејзиниот невенчан сопруг З.Т.(38), по што била пренесена во Ургентен центар при Комплексот клиники „Мајка Тереза“ во Скопје.
По преземени мерки, полициски службеници го пронашле З.Т. во стан на улицата „Андон Шурков“ во Велес со прострелна рана од огнено оружје.
Екипа од Итна медицинска помош Велес констатирала смрт, а по наредба на Јавен обвинител, телото на починатиот било дадено на обдукција.
Увид извршила екипа од СВР Велес.