Противпожарната единица на Град Скопје ноќесна интервенираше на гаснење на пожар во куќа на булеварот ,,Македонска бригада 3″ во Скопје. Пожарот зафатил куќа, при што се опожарени 40 квадратни метри и според првичните проценки предизвика е материјална штета од еден милион денари.
Пожарот бил гаснат од 20,35 до 2,15 часот изутринава. Интервенирано е со 6 возила и 12 пожарникари.
Од МВР информираат дека сопственикот на куќата О.Е. (62) бил приведен затоа што им ја попречувал работата на пожарникарите.
„Бидејќи сопственикот, кој бил под дејство на алкохол и го нарушувал јавниот ред и мир и им ја попречувал работата на припадниците на Бригадата за противпожарна заштита, бил приведен во Полициската станица Аеродром. Увид на местото ќе се врши во текот на денот“, соопштија од МВР.
