Ставени се под контрола пожарите кај Неготино и Демир Капија , информира директорот на ЦУК, Стојанче Ангелов.
Пожарите ги гаснеле пожарникари од Неготино и Кавадарци, а се вклучија и авион на ДЗС и хеликоптер на МВР.
Пожарот во Неготино создавал проблеми, бидејќи опожарена била борова шума, што е тешко да се изгасне.
– Бидејќи немаше потреба од второ дејство на авионот на ДЗС, хеликоптер на МВР со ведро од еден тон во два наврати прецизно дејствуваше врз пожарот во боровата т.н. Гоцева Шума во непосредна близина на Неготино, каде во моментов силниот пожар од страна на територијалните противпожарни единици од Неготино и Кавадарци е ставен под контрола.
Со помош на хеликоптери изгаснат е и пожарот во близина на Демир Капија.