Издадени потврди на 5.005 мигранти за искажана намера за барање азил во Македонија

Од:

По измените и дополнувањето на Законот за азил, Министерството за внатрешни работи,  од 19 овој месец до 8 часот изутрината издало 5.005 потврди за искажана намера за поднесување барање за признавање право на азил во Македонија на странски државјани кои илегално влегуваат на нашата територија.

Од 5.005 издадени потврди, 3.973 се за лица од машки пол, 597 се од женски, 425 се деца кои го придружуваат носителот на потврдата, а на десет деца им е издадена потврда за искажана намера за поднесување на барање за признавање на право на азил, соопшти денеска МВР.

Според државјанството на лицата на кои им се издадени потврди, најбројни се државјаните на Сирија, 3.180, потоа Авганистан, 479, Ирак- 321, Пакистан, 250, Сомалијa,  245,  а од останатите држави се во помал број.

Поради зголемениот притисок од илегални мигранти на јужната граница кон соседна Грција, Министерството за внатрешни работи (МВР) продолжува со засилените мерки за обезбедување на граничната линија, се вели во соопштението од МВР.

Би можело да ве интересира

Запленет кокаин во Гевгелија, лишен од слобода дилер, одреден му е притвор

СДСМ бара Сиљановска да не го потпишува Указот за Законите за полиција и МВР

Кривична пријава за градоначалникот на Кичево, Фатмир Дехари

Катерина Ѓуровски

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци