Во текот на вчерашното деноноќие издадени се потврди на вкупно 2.393 странски државјани за искажана намера за поднесување на барање за признавање на право на азил.
Како што соопшти МВР, од нив 899 се од машки и 547 од женски пол, како и на 932 деца кои го придружуваат носителот на потврдата и 15 деца кои патувале без родител, на кои издадена е потврда. Според државјанството, најмногубројни се државјаните на Сирија-1.055, 802 се државјани на Авганистан и 536 државјани на Ирак. При тоа до Секторот за азил не се поднесени барања за признавање на право на азил врз основа на претходно издадена потврда.
Од почетокот на годината до вчера издадени се потврди на вкупно 70.418 странски државјани, од кои 28.560 се од машки пол, 15.233 се од женски и 26.483 се деца кои го придружуваат носителот на потврдата, како и уште 142 деца кои патуваат без родител, на кои им е издадена потврда за искажана намера за поднесување на барање за признавање на право на азил. Според државјанството најбројни се државјаните на Сирија-34.238, Авганистан-22.097 и Ирак-14.080.
Во посочениот период до Секторот за азил барање за признавање на право на азил поднеле десет лица (седум од Авганистан и три од Сирија) врз основа на претходно издадена потврда за намера за поднесување на барање за признавање на право на азил.
Во ЈУ Прифатен центар за баратели на азил во дневниот регистар на баратели на азил за 08.02.2016 година евидентирани се вкупно 16 баратели на азил од кои 12 мажи, две жени и две деца со придружба на старател. Дополнително, согласно член 48 од Законот за азил и привремена заштита, еден маж, една жена, пет малолетни деца со придружба на старател, пет малолетни лица без придружба на старател се згрижени на друго место за сместување определено од Министерството за труд и социјална политика, стои во соопштението од МВР.