Вкупно 4.026 потврди за искажана намера за поднесување барање за азил се издадени во изминатото деноноќие, соопшти полицијата. Од потврдите, 1.616 се за машки лица, 881 за женски, 1.512 се за деца кои го придружуваат носителот на потврдата, а 17 за деца кои патуваат без родител.
Според државјанството, најбројни се лицата од Сирија 1.706, Ирак 1.233 и Авганистан 1.087.
Од 19 јуни до вчера, се издадени потврди на вкупно 373.303 странски државјани, од кои 202.792 машки, 62.750 женски, 89.683 деца кои го придружуваат носителот на потврдата и 18.078 деца кои патуваат без родител. Според државјанството, најбројни се лицата од Сирија 209.002, Авганистан 92.183, Ирак 50.677, Иран 6.231, Пакистан 5.416, Палестина 2.158, Сомалија 1.276, Бангладеш 1.253, Мароко 1.317, Конго 514, Алжир 453, Либан 434, Нигерија 279, додека останатите се во помал број.
До Секторот за азил во последното деноноќие не е поднесено барање за признавање право на азил врз основа на претходно издадена потврда за искажана намера за поднесување на барање за признавање на право на азил.
Од почнувањето на издавањето на потврдите до вчера, до Секторот за азил се поднесени 83 барања за признавање право на азил врз основа на претходно издадена потврда, при што 55 барања се од државјани на Сирија, со нив се и 23 деца кои го придружуваат родителот, 13 барања од државјани на Авганистан со нив се и 14 деца кои го придружуваат родителот, три барања се од државјани од Пакистан и Ирак, по две барања се од државјани од Мароко, Либан, Палестина и Алжир (четири се деца кои го придружуваат родителот), а има и едно барање од државјанин на Египет.