Иванов ќе се сретне со амбасадорите Бејли, Орав и Брет

Од:

Претседателот на Република Македонија Ѓорге Иванов денеска ќе ги прими амбасадорот на Соединетите Американски Држави Џес Бејли, шефот на Делегацијата на Европската унија Аиво Орав и шефот на Мисијата на ОБСЕ Ралф Брет.

На средбата, како што соопшти кабинетот на Иванов, ќе присуствуваат и капетанот Румен Радев, шеф на Канцеларијата за врски на НАТО и амбасадорот на Република Турција, Омур Шолендил, како НАТО контакт амбасадор.

Претседателот Иванов по синоќешната седница на Советот за безбедност најостро го осуди терористичкиот напад во Куманово од страна на групи чија цел, како што рече, беше дестабилизација на Македонија. Тој истакна дека на седницата на Советот за безбедност е изразена подготвеност да не се дозволи ескалација на тензиите.

Тој изрази жалење за загубените животи на припадниците на МВР и побара мудрост од граѓаните, поддршка од лидерите на политичките партии да се однесуваат одговорно, како и од медиумите.

На седницата на Советот за безбедност, во проширен состав, присуствуваа претседателот на републичкото Собрание Трајко Вељаноски, премиерот Никола Груевски, министрите за одбрана, за внатрешни работи и за надворешни работи, Зоран Јолевски, Гордана Јанкулоска и Никола Попоски, како и членовите на СБ Вели Креци, Фљора Кадриу и Насер Сејдини, како и претседателот на СДСМ, Зоран Заев, Талат Џафери од ДУИ и Имер Алиу од ДПА.

Во операцијата за разбивање на терористичката група во кумановската „Дива Населба“ загинаа осуммина полицајци, а 37 се повредени.

Би можело да ве интересира

Симеон Сакскобурготски: Историјата на историчарите, Македонија во ЕУ

А1он

Херцог: Израел ја брани Европа од џихадистички бран

Студентска листа најави референдум за влезот на Србија во ЕУ

Полјански: Европа ги игнорира преговорите за Украина и се држи до старите позиции

Бернам: Очекувам договор со ЕУ што ќе донесе придобивки и за Британија и за Европа

Фицо: Конечно се разбуди Европа – ќе има делегација за преговори за Украина