Со повеќе настани денеска во Битола беше одбележан Денот на Европа. Свеченостите по повод 9 Мај започнаа со полагање на цвеќе пред споменикот на НОАВМ пред Центарот за култура, по што следуваше музичка програма на плоштадот Магнолија.
Програмата започна во 12 часот со интонација на националната химна и химната на Европската Унија, а потоа пред присутните следуваше обраќање на градоначалникот на општина Битола, Владимир Талески и италијанскиот амбасадор, Фабио Кристиани.
Ученици од сите училишта во градот извршија презентирање, преку свои креативни идеи, на повеќе членки на Европската Унија – Италија,Чешка, Германија, Словенија, Ирска.
Во попладневните часови амбасадорот на Италија го посети локалитетот Хераклеја, а за во вечерните часови, а од 20 часот се отвори и Италијанската филмска недела во Центарот за култура во Битола.
