На улиците во Куманово во текот на ноќта фрлени се 30 тони сол, информираа денеска, надлежните од секторот за урбанизам од општина Куманово. Екипите на двете приватни фирми, задолжени за зимско одржување на градот ги чистеле улиците од вчера по 20.30 до два часот утрово. Во ноќните часови исчистени се улиците од првата и втората зона од градот.
– Утрово, температурата повторно беше под нулата, така што интервенирано е со плужење, информираше Момчило Јовановски, помошник раководител на секторот за урбанизам.
Во Куманово висината на снежната покривка изнесува околу пет сантиметри. За зимско одржување на градот задолжени се две фирми од кои едната ги чисти улиците во источната, а втората во запданата зона од градот.
Од Региналниот Центар за управување со кризи информираат дека патиштата се проодни.
