Полицијата затвори кафеана полна со гости во гостиварско Неготино, уапсени газдата и брат му, кој ја скинал пломбата

Од:

Полицајци од полициското одделение Галате, во селото Неготино, кое е дел од општината Врапчиште кај Гостивар, вечерва во 20.30 часот го лишиле од слобода М.Б.(30) од тоа село, сопственик на угостителски објект, поради постоење основи на сомнение за сторено кривично дело „непостапување според здравствените прописи за време на епидемија”.

Како што соопшти МВР, при извршена контрола во објектот, полицајците констатирале дека објектот работи, а во него имало околу 25 гости, спротивно на одлуката на Владата за работа на угостителските објекти.

Од страна на Државен пазарен инспекторат Гостивар објектот бил затворен и запечатен со пломба, по што од страна на Б.Б.(37), од с.Неготино, брат на М.Б., пломбата била отстранета, по што и тој е лишен од слобода, стои во соопштението.

По документирање на случајот против него ќе биде поднесен поднесок по. чл. 206 од Кривичниот законик, велат од полицијата.

Би можело да ве интересира

Сопственикот и уште петмина приведени во нерегистриран ресторан кој работел подоцна од дозволеното

Пандов за „А1он“: Некој јави дека политичар седи во кафеаната, ќе си ја платам казната

Маја Илиевска-Пачемска

Осуденик од Идризово и 18 странски државјанки затекнати во локал кој работел по дозволеното време

Запечатена кафеаната во Стајковци која по работното време ги угости  Неделковски, Пандов и Панчевски

Маја Илиевска-Пачемска

Полицијата упадна во дом на струмичанец кој си правел забава со 11 пријатели

Приведени Миленко Неделковски, Александар Пандов и Владимир Панчевски, пред полноќ биле во кафеана во Стајковци

А1он