Иницијативата „Учебници и настава мора да има“ достави предлог за референдум против дигитализацијата во Собранието

Од:

Граѓанската Иницијатива „Учебници и настава мора да има“ денеска достави предлог за покренување иницијатива за распишување на референдум до претседателот на Собранието, со цел изјаснување на граѓаните околу нацрт Законот за дигитализирање на учебниците во основните и средните училиштата.

Имено, за овој предлог биле собрале околу 600 потписи само на подрачје на град Скопје, меѓутоа од иницијативата на денешната прес-конференција одржана пред Собрание истакнаа дека имаат голема поддршка и од останатите градови.

-По неуспешните обиди да најдеме заедничко разбирање и заеднички јазик со Министерството за образование и наука како предлагач на законот, остануваме доследни на нашата мисија и цели за стопирање на Законот. Очекуваме во рок од три дена по поднесувањето на предлогот за референдум, а во спротивно ќе сметаме дека предлогот е уреден и во согласност со Уставот и Законите ќе пристапиме кон собирање на 10.000 потписи за поддршка на Иницијативата за распишување референдум, изјави Даниела Димовска, од „Учебници и настава мора да има“.

Додаде дека доколку не бидат прифатени од претседателот на Собранието, ќе продолжат со протестите се додека како што рече таа не се спречи предлог законот.

-Очекуваме работна средба на актуелната тема со претседателот на Собранието и неговите советници за образование. Доколку не бидеме соодветно примени на работната средба продолжуваме со мирни протести и мирни маршови низ сите градови во државата, рече Димовска.

Би можело да ве интересира

Вечерва продолжува собраниската расправа за именување на Славески за гувернер на Народна банка

Парламентот го донесе Законот за ратификација на Договорот со Обединетото Кралство

Парламентарното мнозинство можно е да се зголеми и да биде над 70 пратеници, вели Гаши

Валбона Адили Емини од ВРЕДИ нова пратеничка во Собранието по оставката на Салим Сулејмани

Договорот со Велика Британија пред пратениците

Катерина Ѓуровски

Гувернерското место на Трајко Славески пред пратениците

Катерина Ѓуровски